Kryetari i Komunës së Prishtinës, Përparim Rama ka deklaruar se është duke vazhduar transformimi digjital i kryeqytetit.
Rama në rrjetet sociale ka njoftuar se aktualisht janë vendosur senzorë në parkingjet në rrugët “Nurije Zeka”, “Simon Shiroka”, “Garibaldi”,” Fehmi Agani” dhe “Isa Boletini” (ish-Flamurtari).
“Përparësitë: Pamje në kohë reale të numrit të hapësirave të vendparkingjeve, qasje më e lehtë për qytetarët në gjetjen e vendparkingjeve dhe menaxhim më i avancuar dhe efikas i vendparkingjeve”, shprehet Rama.
Ai theksoi se ky transformim do të krijojë mundësi për zgjerim dhe inovacion të vazhdueshëm, duke kontribuar në krijimin e një Prishtine të mençur dhe më të sigurt.
