Në fund të sezonit të kaluar, Thiago Silva u largua nga Chelsea si lojtar i lirë, pasi kishte bërë 155 paraqitje në 4 vite, që kur mbërriti aty nga PSG.
Me blutë e Londrës fitoi Champions League, Superkupën e Europës dhe Kupën e Botës për Klube.
Në moshën 39-vjeçare, karriera e ish-mbrojtësit të Milanit nuk ka përfunduar ende dhe ai ka vendosur të kthehet në Brazil për të përfunduar aty ku e nisi, pra te Fluminense, në ekipin e të rinjve të së cilës u rrit. Thiago Silva ka dy djem, Isago 15 vjeç dhe Iago 13 vjeç.
Orët e fundit, Iago ishte protagonist i një videoje të postuar nga nëna e tij, Belle, në Instagram.
Pamjet tregojnë djalin 13-vjeçar duke drejtuar Porsche-n e të atit, pa mundur ta kundërshtojë askush në asnjë mënyrë.
Iago, i cili si vëllai i tij luan në sektorin e të rinjve të Chelsea, tregoi aftësitë e vozitjes, padyshim me një ritëm të moderuar. Djali është shfaqur shumë rehat pas timonit të një “Porsche Panamera” me vlerë mbi 100 mijë euro, e cila mund të arrijë shpejtësinë maksimale prej 270 deri në 325 km/h.
Iago nuk e shtypi shumë pedalin e gazit, udhëtoi i qetë, ndërsa nëna Belle e filmonte. Në bazë të asaj që kuptojmë nga videoja, udhëtimi me Porsche është bërë në një rrugë private, pranë terrenit të stërvitjes së Chelsea, në Cobham.
Dhe pikërisht ky ‘detaj’, padyshim jo i vogël, e bën absolutisht të ligjshëm që djali i Thiago Silvës të drejtojë një makinë në moshën 13-vjeçare, qartësisht pa patentë, të cilën nuk mund ta ketë ende.
Në fakt, nuk ka kërkesa për moshë apo patentë për të vozitur në pronë private, për sa kohë që ajo nuk është e aksesueshme për publikun.
Në pamje, Iago, i veshur me kompletin e plotë të Chelsea, shihet duke drejtuar i sigurt automjetin dhe marrë një kthesë ngadalë e plot kujdes në fund të “shkrepjes”.
Nëna e tij Belle komentoi videon me shaka, me një mbishkrim në Instagram: “Shoferi im i vogël bëri mirë. Dhe ishte hera e parë”.s.net.
