Tashmë janë bërë një javë kur në orët e hershme të mëngjesit në një kafiteri në fshatin Runik të Skenderajt ku mbeti i vrarë një 39 vjeçar dhe mbetën të plagosur tre të tjerë.
Por lidhur me këtë rast ende nuk ka informacion për të dyshuarit, të cilët ndodhen në arrati.
Lajmi.net ka kontaktuar Prokurorinë Themelore në Mitrovicë për të mësuar detaje të reja lidhur me këtë rast.
Zëdhënësi i Prokurorisë Themelore në Mitrovicë, Valon Preteni në një prononcim për Lajmi.net ka thënë se janë duke u zhvilluar hetime intensive për zbardhjen e rastit.
“Në vendin e ngjarjes janë sekuestruar disa telefona dhe hetime janë duke u zhvilluar intensivisht për zbardhjen e rastit”, ka thënë shkurt Preteni.
Po ashtu lidhur me vrasjen e së enjtes në Runik të Skenderajt ka folur edhe një dëshmitar.
Musa Gashi ka rrëfyer se si ndodhi rasti në orët e pas mesnatës në kafiterinë e muzikës live.
Ai ka treguar se nga këndi ku kishte qenë ai ulur, ka arritur të shohë vetëm një person të maskuar, e që sipas tij, i dyshuari kishte shtënë me “kallashnikov” pa pasur një objektiv të caktuar.
