Presidenti i Serbisë provoi ta manipulojë popullin me një të pavërtetë. Këtë herë ai përfshiu në lojën e tij raportuesin e Parlamentit Evropian për Serbinë, Tonino Picula.
Vuçiq gënjeu hapur se studentët e Serbisë kishin refuzuar një ftesë për takim nga ana e Piculës.
Por kjo gënjeshtër nuk i zgjati shumë Vuçiqit. Kjo pasi sot dikush nga Parlamenti Evropian ka demantuar çdo fjalë që doli nga goja e Vuçiqit.
“Takimi mes studentëve në bllokadë dhe raportuesit të Parlamentit Evropian për Serbinë, Tonino Picula, nuk ishte i planifikuar”, thonë për European Western Balkans burime nga Parlamenti Evropian.
Presidenti serb Aleksandar Vuçiq tha të hënën në mbrëmje, gjatë një dalje në televizionin Happy, se studentët në bllokadë kishin refuzuar një ftesë për t’u takuar me Piculën.
Vuçiq ka theksuar se nuk do të takohet me raportuesin e Parlamentit Evropian për Serbinë dhe se është i kënaqur që edhe studentët ia kanë refuzuar ftesën për të biseduar.
Megjithatë, burime nga Parlamenti Evropian thonë për EWB se një takim i tillë as që ishte planifikuar.
Siç tha raportuesi për Serbinë dje gjatë ditës, të gjitha takimet e tij ishin caktuar nga Delegacioni i Bashkimit Evropian në Serbi, transmeton portali European Western Balkans, shkruan nova.rs
Kështu, gjatë vizitës së tij në Novi Sad, Picula u takua vetëm me përfaqësuesit e Unionit Rinor të shoqatës “OPENS”, e cila u hap në korrik të vitit të kaluar me mbështetjen e Delegacionit të BE-së në Serbi.
Raportuesi i Parlamentit Evropian për Serbinë, Tonino Picula, ndodhet për një vizitë treditore në Serbi, Ai dje ka zhvilluar takime të ndara me përfaqësues të qeverisë dhe opozitës në Asamblenë Kombëtare, mes të cilëve kryeparlamentarja Ana Brnabiq.
