Shefi i stafit të kabinetit të Presidentes së Kosovës, Vjosa Osmani përmes një postimi në twitter ka thënë se Serbia duhet të penalizohet për mos zbatimin e marrëveshjes së arritur në Ohër.
Vela ka shkruar se Serbia ishte zotuar se nuk do t’a pengoj anëtarësimin e Kosovës në OKB e institucione të tjera, por vazhdimisht po bën shkelje për të cilat duhet të penalizohet.
“Edhe pse Vuçiqi u zotua të zbatojë obligimet nga marrëveshja me Kosovën, përfshirë anëtarësimin në ndonjë organ ndërkombëtar (neni 4), ai vepron me keqbesim dhe thotë se Serbia nuk do të pranojë anëtarësimin e Kosovës në OKB, institucionet, agjencitë dhe organizatat e saj! Një shkelje që do të duhej të penalizohej”, shkroi Vela në Twitter.
Kujtojmë se më 18 mars në Ohër, kryeministri i Kosovës, Albin Kurti dhe presidenti i Serbisë, Vuçiq u pajtuan për ta zbatuar aneksin për zbatimin e propozimit evropian.
