Një shpërthim ka ndodhur pas mesnate te zyrat e reja të Postës së Kosovës në Zveçan.
Lajmin e ka konfirmuar zëvendësdrejtori i Policisë për Rajonin e Mitrovicës, Veton Elshani.
“Sipas informacioneve tona të para një detonim ka ndodhur rreth orës 00:30. Janë shkaktuar dëme materiale, thyerje xhamash por nuk ka të lënduar”, ka deklaruar shkurt Elshani.
Sipas fotografive nga vendi i ngjarjes, policia ka rrethuar zonën dhe po mbledhin prova për të përcaktuar rrethanat e ngjarjes dhe autorët e mundshëm.
Mbetet e paqartë se kush mund të jetë pas këtij akti, ndërsa hetimet janë në vijim.
Kossev ka publikuar edhe pamjet nga vendi ku ndodhi shpërthimi, ndërkohë në disa pamje të tjera të publikuara nga RTK shihen xhama të thyer.
