Deputeti i Kuvendit të Kosovës nga radhët e Lëvizjes Vetëvendosje ka reaguar pas publikimit të një videoje ku shihet ish-Prokurori Metush Biraj që e pranon se i kishte zbehur provat në një rast me 130 kg drogë të llojit marihuana, përcjell KosovaPost.
“Kur po flasim për sistemin e kalbur prokurorial po thonë ndërhyrje në drejtësi. Rasti i Metush Birajt është vetëm një dëshmi që ky institucion ka nevojë për vetting dhe vetting që të rikthehet besimi në institucionin kaq të rëndësishëm të vendit”, ka shkruar deputeti në reagimin e tij.
Tutje Abrashi ka thënë se me prokurorë të korruptuar të kapur pastaj për shkak të korrupsionit veç drejtësi nuk mund të ketë.
“Mos të harrojmë ky prokuror më herët e ka pasur rastin e Astrit Deharit”, ka shtuar ai.
