Kandidati për president i DPS-së Milo Gjukanoviq fitoi 36.6 për qind sipas parashikimeve paraprake të rezultateve të CeMI bazuar në 46.2 për qind të mostrës së përpunuar, shkruan vijesti.me.
Në zgjedhjet më të rëndësishme në vitet e fundit në Mal të Zi, sipas rezultateve të para, do të duhet edhe një raund i dytë pasi që askush nuk ka arritur që të fitojë mbi 50% të votave. Vendi po kalon nëpër krizë politike, pasi që Gjukanoviq shpërndau edhe Kuvendin disa ditë para zgjedhjeve për president ndërsa kryeministri në detyrë, Dritan Abazoviq, është shkarkuar disa muaj më pare por asnjë parti nuk ka arritur të krijonte shumicën e nevojshme për të emëruar kryeministër të ri.
Në rezultate tjera, Kandidati i Lëvizjes Evropa Tani Jakov Milatoviq fitoi 26,8 për qind, Fronti Demokratik Andrija Mandiq 20 për qind, Mali i Zi Demokratik Aleksa Beçiq 11,7 për qind.
Kandidatja e SDPA-së Draginja Vuksanović Stanković fitoi 2.8 për qind, kandidati për Malin e Zi të Bashkuar Goran Danilović 1.3 për qind dhe ndikuesi Jovan Radulović Jodžir 0.8 për qind.
