Partia Konservatore Popullore Evropiane (EPP) emëroi presidenten e Komisionit Evropian Ursula von der Leyen si kandidaten e saj kryesore për zgjedhjet e Parlamentit Evropian të qershorit.
Duke iu drejtuar EPP-së para votimit, Von der Leyen falënderoi kolegët e saj të partisë për besimin dhe mbështetjen e tyre dhe tha se ishte “nder t’i shërbesh Bashkimit Evropian”.
EPP ka zgjedhur zyrtarisht Von der Leyen për të udhëhequr fushatën, në kongresin e partisë në Bukuresht.
Kryetarja e Komisionit nuk është dashur të përballet me asnjë kandidat kundërshtar.
Von der Leyen po kërkon një mandat të dytë si presidente e Komisionit Evropian dhe po udhëheq fushatën e PPE si pjesë e kandidaturës së saj, shkruan atsh. Si rregull, partia që arrin rezultatet më të mira në zgjedhjet e Parlamentit Evropian emëron presidentin e radhës.
