Donald Trump, në fjalimin e tij të fitores, përmendi edhe atentatet që ju bënë atij gjatë fushatës, duke thënë se “Zoti i shpëtoi jetën për një arsye dhe arsyeja ishte për të shpëtuar Amerikën”.
“Zoti ma shpëtoi jetën për një arsye dhe arsyeja ishte për të shpëtuar Amerikën. Do ta përmbushim këtë mision së bashku. Nuk do të jetë e lehtë, por do të luftoj deri në pikën e fundit të energjisë për të shpërblyer besimin që më keni dhënë. Kjo është puna më e rëndësishme në botë. E bëra në mandatin e parë, bëra premtime dhe i mbajta. Sërish nuk do të më ndalojë asgjë që të mbaj premtimet e mia”, deklaroi Donald Trump, shkruan A2 CNN.
“Është koha që të lëmë pas krahëve ndasitë tona sepse kemi treguar që jemi të suksesshëm kur jemi të bashkuar. Do t’ia nisim duke e vënë Amerikën të parën, nuk do ju zhgënjej. Do ta bëjmë vendin më të sigurt dhe më të fortë se kurrë më parë”, mbylli fjalimin e tij Donald Trump.
