Në letrën e tij, Presidenti Erdogan ka shprehur besim të plotë se marrëdhëniet miqësore mes Turqisë dhe Kosovës, do të vazhdojnë të zhvillohen.
Erdogan tha se ka besimin e plotë se marrëdhëniet e shumanshme miqësore mes Turqisë dhe Kosovës, të cilat sipas tij, e marrin fuqinë e tyre nga lidhjet historike, ekonomike, humanitare dhe kulturore, do të vazhdojnë të zhvillohen.
“Ri Marrja e Komandës së KFOR-it këtë vit është një tregues konkret i rëndësisë që i kushtojmë paqes dhe stabilitetit si në Kosovë ashtu edhe në rajon dhe përpjekjeve tona në këtë kontekst”, thuhet në telegramin e urimit të Erdoganit, transmeton Kosova Post.
Osmani e ka falënderuar Erdoganin për urimet e tij, duke thënë se Kosova është falënderuese për mbështetjen që ka marrë nga Turqia deri tash.
“Faleminderit(Në gjuhën turke) president Erdogan për urimet e tua të përzemërta në këtë përvjetor të pavarësisë sonë. Republika jonë e re është mirënjohese për mbështetjen e Turqisë. Populli i Kosovës është falënderues për raportet special me popullin e Turqisë”, ka shkruar Vjosa Osmani.
