Presidentja e Kosovës Vjosa Osmani, në 25 vjetorin kujton martirët e masakrës së Stagovës në Kaçanik, ndërsa shprehet se në këtë ofensivë barbare, forcat kriminale shkatërruan 90 shtëpi nga 180 sa kishte fshati atëkohë, përcjell Kosova Post.
Tutje theksoi presidentja se për këtë krim makabër sikur edhe për shumë të tjerë ende askush nuk doli para drejtësisë.
“25-vjet më parë forcat paramilitare të regjimit gjenocidal të Serbisë, në fshatin Stagovë të Kaçanikut vranë 13 banorë të fshatit. Në këtë ofensivë barbare, forcat kriminale shkatërruan 90 shtëpi nga 180 sa kishte fshati atëkohë. Ende askush nuk është dënuar për këtë krim makabër, ndaj nuk do të ndalemi në angazhimin për vendosjen e drejtësisë dhe për të pasur kuptim liria jonë. Qoftë i përhershëm kujtimi dhe nderimi për të gjithë të rënët për liri!, shprehet Osmani.
