Kuvendi i Kosovës punimet e seancës plenare i filloi me një minutë heshtje për intelektualin, Ukshin Hoti, në 25-vjetorin e zhdukjes së tij.
Kryetari i Kuvendit, Glauk Konjufca, ndërsa kujtoi Ukshin Hotin e zhdukur për të cilin nuk dihet Akoma se ku gjendet, tha se përgjegjëse për zhdukjen e tij, është shteti i Serbisë.
Ai i ka bërë thirrje drejtësisë ndërkombëtare dhe vendore të merret me rastin e tij, dhe të shumë patriotëve gjatë luftës dhe me të gjitha krimet që shteti serb i ka kryer në Kosovë.
Kujtojmë sde më 16 maj 1999 pas lirimit dhe pas daljes nga qelia e burgut të Dubravës, zhduket nga polica serbe pa lënë gjurmë.
Shokët e burgut, ata që kanë shpëtuar nga masakra e Dubravës, disa ditë më vonë, kanë treguar se Ukshini ishte liruar nga burgu më 16 maj, ditën e diel, ditë që nuk praktikohej lirimi i të burgosurve.
Prej asaj kohe e deri tani, veprimtari i madh i çështjes kombëtare shqiptare, magjistri, filozofi, shkrimtari, publicisti, atdhetari i përkushtuar, Ukshin Hoti edhe sot e kësaj dite konsiderohet ende i zhdukur./Kosova Post/
