Presidentja e Kosovës, Vjosa Osmani, kujton 25 vjetorin e Masakrës së Rezallës, ndërsa thekson se sjellja para drejtësisë e autorëve të krimit është e nevojshme dhe domosdoshme.
Tutje ajo është shprehur se më 5 prill, forcat të regjimit gjenocidal të Serbisë rrethuan shtëpitë e fshatit Rezallë, kështu duke vrarë në mënyrë mizore 98 djem e burra.
“Forca të regjimit gjenocidal të Serbisë, më 5 prill të vitit 1999 rrethuan shtëpitë e fshatit Rezallë dhe në mënyrë mizore vranë 98 djem e burra. Eshtrat e 44 të vrarëve janë gjetur disa vite më pas në Rudnicë të Rashkës. Regjimi kriminal serb kreu krime të tilla makabër kudo nëpër Kosovë, ndaj sjellja para drejtësisë e autorëve të krimit është e nevojshme dhe e domosdoshme”, tha presidentja.
“Drejtësi për viktimat dhe kujtim i përhershëm për to! Qoftë i përhershëm kujtimi për të gjithë të rënët për liri!”, është shpreh Osmani.
