Nënkryetari i Skenderajt, Sami Lushtaku ka kujtuar masakrën e 1999-ës të Izbicës, ku u vranë 147 persona, ndër ta gra, fëmijë, burra e pleq, përcjell Kosova Post.
Ndërsa kujton viktimat, Lushtaku shprehet se kjo plagë nuk do shërohet deri sa të arrihet drejtësia edhe për të viktimën e fundit të Izbicës.
Postimi i plotë i nënkryetarit Lushtaku në Facebook:
147 shqiptarë të pafajshëm, fëmijë, gra, burra e pleq, u vranë e u masakruan mizorisht me 28 Mars 1999 në Izbicë. Vrasja, masakrimi e shfarosja ishte qëllimi i këtij krimi serb në Izbicë, i cili lëkundi deri në palcë edhe ndërgjegjen ndërkombëtare për këtë gjenocid ndaj shqiptarëve.
Kjo plagë e madhe e jona nuk do të shërohet deri sa të arrihet drejtësia edhe për të viktimën e fundit të Izbicës!
Lavdi e përjetshme!
