Paraqitjet e shkëlqyera në kampionatin evropian dhe ritmi i lartë në nisje të sezonit kanë bërë që Lamine Yamal të jetë ndër lojtarët më të kërkuar në botën e futbollit.
17-vjeçari duket se nuk ka ndërmend të largohet nga Barcelona, por kjo nuk e ndalon interesin e klubeve të tjera, të cilat kanë ofruar plot 250 milionë euro për të.
Kjo shumë është jashtëzakonisht e lartë për një lojtar të tillë, por potenciali i tij i jashtëzakonshëm ka tërhequr vëmendjen e opinionit sportiv.
Presidenti i Barcelonës, Joan Laporta, ka konfirmuar se ka marrë një ofertë për Yamal, megjithatë nuk ka zbuluar emrin e klubit që e ka bërë ofertën.
Klubi ka në plan të forcohet dhe jo të shesë lojtarë të rëndësishëm, sidomos tani që edhe lojtarët e dëmtuar janë rikthyer.
Dani Olmo, kapiteni Robert Lewandowski dhe Yamal janë tani në dispozicion të trajnerit Hansi Flick, me Yamal që ka kaluar probleme shëndetësore në të kaluarën.
Ekipi tani e pret një superpërballje ndaj Bayern Munchen, e cila do të tregojë se si do të reagojë Barcelona me rikthimin e këtyre lojtarëve të rëndësishëm./euronews