Të 27 subjektet politike me 1232 kandidatë për deputetë të certifikuar nga Komisioni Qendror i Zgjedhjeve e kanë mundësinë që të zëvendësohen apo tërhiqen nga gara për zgjedhjet e 9 shkurtit.
Krejt këtë e mundëson neni 29 i Ligjit për Zgjedhjet e Përgjithshme.
Zëdhënësi i KQZ-së, Valmir Elezi në një prononcim për Klankosova.tv ka dhënë detaje për këtë çështje.
“Sipas këtij neni, subjekti politik i certifikuar mund të tërhiqet nga procesi zgjedhor duke i dorëzur KQZ-së një njoftim me shkrim me të cilin shpreh qartazi qëllimin e tërheqjes jo më vonë se dy ditë të punës para datës së caktuar për hedhje të shortit për zgjedhje”.
“I njëjti nen i ligjit mundëson ia mundëson subjektit politik të zëvendësojë kandidatin në rastin se i njëjti person paraqitet në të njëjtë kohë në listën e kandidatëve të një tjetër subjekti politik dhe nëse i njëjti shfaq synim të qartë me shkrim se do të mbetet në listën e subjetit tjetër politk”, tha ai.
Sipas tij, ky ligj mundëson zëvendësimin brenda një date të caktuar nga KQZ-ja të kandidatit në rast të vdekjes së tij.
“Ligji nuk lejon zëvendësimin e kandidatit/es në rast se PZAP-i e largon një kandidat/e nga lista e kandidatëve pas përcaktimit se kandidati/ja nuk ka dhënë pëlqimin e tij/saj për t’u emëruar si kandiddat në listën e një subjekti politik”, shtoi Elezi,
