Ambasada e SHBA-së në Kosovë u ka bërë thirrje qytetarëve që të raportojnë rastet e dhunës në familje, duke shtuar se kjo nuk duhet parë si një çështje private apo si një çështje familjare.
Ambasada i’u është referuar raporteve dhe hulumtimeve të organizatave të shoqërisë civile, sipas të cilave dhuna në familje është ndër krimet më të paraportuara në Kosovë.
“Bazuar në raporte dhe hulumtime të ndryshme të organizatave të shoqërisë civile, dhuna në familje vazhdon të jetë një nga krimet më të paraportuara në Kosovë. Dhuna në familje nuk duhet parë si një çështje private apo si një çështje familjare. Dhuna në familje është KRIM. Mos e duroni, raportoni: 0800 11 112 ose 192”, thuhet në postimin e Ambasadës.
Në faqen e ambasadës janë publikuar edhe numrat e kontaktit për raportim të këtyre rasteve.
Based on various reports and research by civil society organizations, domestic violence continues to be one of the most unreported crimes in Kosovo. Domestic violence should not be viewed as a private matter or as a family affair. Domestic violence is a CRIME. Don’t endure it,… https://t.co/Fp32cTPi5c
— U.S. Embassy Pristina (@USEmbPristina) April 20, 2024
