Ambasadori i SHBA-së në Bosnje dhe Hercegovinë, Michael Murphy është takuar sot me anëtarin e Presidencës së Bosnjë-Hercegovinës, Denis Beqiroviq, përcjell Kosova Post.
“Përsërita vendosmërinë e Shteteve të Bashkuara për të kundërshtuar aktivitetet anti-Dayton, siç janë përkujtimet e djeshme antikushtetuese në entitetin e Republikës Serbe, dhe riafirmova angazhimin e palëkundur të Shteteve të Bashkuara për integritetin territorial, sovranitetin dhe karakterin multi-etnik në Bosnje dhe Hercegovinë”, tha ambasadori amerikan Murphy.
Ndryshe, Ambasada e SHBA-së ka lëshuar një paralajmërim për autoritetet në Republikën Serbe me rastin e ditës antikushtetuese. Ata fatkeqësisht shifet se janë të gatshëm të vazhdojnë të përdorin të gjitha mjetet që minojnë Marrëveshjen e Dejtonit.
Kabineti i Beqiroviqit deklaroi se gjatë bisedës Beqiroviq falënderoi SHBA-në për mbështetjen e vazhdueshme ndaj Bosnjës dhe Hercegovinës në rrugën e saj drejt anëtarësimit të plotë në BE dhe NATO.
