Ambasadori amerikan në Kosovë, Jeffrey Hovenier e ka mirëpritur vendimin e Qeverisë së Kosovës për zbatimin e vendimit të Gjykatës Kushtetuese për regjistrimin e pronave për Manastirin e Deçanit.
“Vlerësojmë vendimin për të ecur përpara me pronat e Manastirit të Deçanit, duke demonstruar përkushtimin e Kosovës për të ruajtur sundimin e ligjit dhe pavarësinë e gjyqësorit. Siç tha sot në mëngjes zëvendësndihmës sekretari Gabriel Escobar, vendimi i sotëm për Manastirin e Deçanit ishte një hap i domosdoshëm dhe falënderojmë liderët kosovarë për përpjekjet e tyre për ta çuar këtë çështje përpara”, ka shkruar Hovenier në platformën X.
