Abdul-Bari Atwan, analist i njohur i botës arabe, në një opinion analitik, kritikoi liderët e vendeve arabe dhe vlerësoi rezistencën palestineze me fjalët: “Fitorja kërkon durim dhe është afër, me lejen e Zotit”, transmeton Kosova Post.
Abdel Bari Atwan, në një editorial në “Ra’i al-Youm”, duke iu referuar përshkallëzimit të sulmeve të regjimit sionist në Rripin e Gazës dhe martirizimit të anëtarit të Zyrës Politike të Hamasit, Salah al-Bardawil, shkroi se al-Bardawil, Yasser Harb dhe Issam al-Da’alis, të cilët prej udhëheqësve të Hamasit, nuk u martirizuan në ndonjë hotel me pesë yje apo në ndonjë pallat, por, ashtu si banorët e tjerë të Gazës, në kampet që nuk kanë ujë dhe energji elektrike. Në këto kampe nuk ka ujë as për të pirë apo për të marrë abdest.
Atwan shtoi: “Uria po ulëret me të madhe në Gaza për shkak të bllokimit të pikëkalimeve dhe ndalimit të ndihmave humanitare. Qëllimi i këtyre masave është mjaft i qartë: ta kthejnë Gazën në një vend të pabanueshëm si një prelud për t’i detyruar ata të emigrojnë. Benjamin Netanyahu tha: ‘Ju vetë thoni se Gaza është një burg i madh i hapur (pa tavan). Ne do t’i hapim dyert e saj që ju të shkoni në rajonet e përparuara të botës’.”
Ky analist vijoi më tej: “Martirizimi i liderëve të Hamasit, ndërsa ata ishin duke agjëruar, veçanërisht Issam al-Da’alis në mesin e popullit të tij në kamp, të kujton gjeneralët martirë, Yahya al-Sinwar (ish-kreu i Zyrës Politike të Hamasit), Muhamed al-Daif (kryekomandanti i Batalioneve al-Kassam) dhe dëshmorë të tjerë, të cilët luftuan deri në martirizim pavarësisht gradës së tyre ushtarake. Pikërisht ky është misteri i qëndresës së tyre për një vit e gjysmë kundër luftës gjenocidale të Izraelit”.
Në vijim, Atwan me zemërim të madh për vazhdimin e pasivitetit të botës arabe ndaj krimeve të regjimit sionist, shkroi: “Numri i dëshmorëve të Gazës i ka kaluar 52 mijë dhe nuk është e qartë se sa duhet të arrijë numri i dëshmorëve dhe të plagosurve që liderët arabë, nuk them ndonjë ambasador nderi për muslimanët por ndonjë roje të ambasadës izraelite”.
Kryeredaktori i “Ra’i al-Youm”, më pas vuri në dukje opinionin e të dërguarit special të presidentit amerikan Donald Trump në rajon, Steve Witkoff, kundër Egjiptit dhe theksoi: “Witkoff ka fyer Egjiptin, popullin e tij, udhëheqësit dhe ushtrinë e tij kur paralajmëroi për rënien e Abdel Fattah El-Sisit (presidentit të Egjiptit) për shkak të falimentimit dhe krizës së rëndë ekonomike dhe rritjes së statistikave të papunësisë me 54 % në mesin e të rinjve nën moshën 25 vjeçare”.
Atwan shtoi: “Qeveria amerikane nuk i respekton të dobëtit, nuk konsideron asnjë vlerë për ta dhe përçmon arabët dhe myslimanët. Është e dhimbshme që kjo arrogancë e pacipë, provokuese dhe poshtëruese nuk po ndeshet me asnjë përgjigje dhe ajo që është më e rrezikshme është fakti se presionet arabe ndaj Rezistencës palestineze për t’u dorëzuar para kërkesave izraelite dhe amerikane në lidhje me çarmatimin e vet, janë intensifikuar së tepërmi”.
Ky analist arab përfundoi: “Rezistenca palestineze nuk do t’i ulë armët. Sulmet raketore në Askalan (Ashkelon) dhe Tel Aviv në të njëjtën kohë me sulmet raketore të Jemenit, ikja e miliona kolonëve nëpër bunkerë dhe mbyllja e aeroportit Ben Gurion janë reagime të forta ndaj Witkoff dhe Trump. Fitorja kërkon durim dhe është afër, me lejen e Zotit”.
