Policia në veri sot ka arrestuar 4 persona, të dyshuar për veprën penale “Lëndim i rëndë trupor”.
M.P, 20-vjeçar, L.K, 22-vjeçar, A.S, 23-vjeçar dhe B.D, 29-vjeçar, u arrestuan nën dyshimin se janë përfshirë në një përleshje fizike dje, në një lokal.
“Arrestimi i të dyshuarve është bërë pas një pune intensive të hetueseve nga Stacioni Policor Mitrovicë Veri, të cilët kanë arritur t’i identifikojnë dhe t’i arrestojnë të dyshuarit.
Të njëjtit janë arrestuar mbi dyshime të arsyeshme për përfshirje në një rast përleshje që ka ndodhur me datë 17.03.2025 në një kafeteri në rrugën “Xhon Kenedi”, Mitrovicë Veri.
Si pasojë e kësaj përleshje, të lënduar kanë mbetur viktimat M.P 33-vjeqar dhe 27-vjeqare, të cilët kanë pranuar tretman mjekësor dhe ende ndodhen nën përkujdesje mjekësore në Spitalin Rajonal në Mitrovicë Veri”, thuhet në njoftimin e policisë.
Të dyshuarit janë ndaluar për 48 orë.
