Sekretari i përgjithshëm i PD-së së Rithemelimit, Flamur Noka ka reaguar lidhur e arrestimin e një grupi artistësh nga Kosova në Kukës.
Në një deklaratë për mediat, Noka shprehet se ky qëndrim çnjerëzor dhe antishqiptar ndaj artistëve kosovarë, “është një krim shtetëror i narkoshtetit të Edi Ramës, dhe si i tillë do të trajtohet nga opozita”.
Noka tha se artistët janë arrestuar me urdhër politik, si dhe janë keqtrajtuar dhe janë mbajtur për disa orë në komisariat.
Ndër të tjera ai theksoi se Partia Demokratike e dënon me forcë këtë akt të poshtërsisë policore dhe të anti-shqiptarizmit.
“Çdo dorë e ngritur mbi artistët nga Kosova, çdo dhunë verbale, çdo tejkalim kompetence do të përballet së shpejti me përgjigjen më të merituar të rendit dhe ligjit”, tha ai.
Kjo fjali alarmante nuk është qendrimi i radhës i Partisë Demokratike.
Është shkëputur nga një reagim i artistit shqiptar nga Kosova, Jeton Neziraj.
Zoti Neziraj, bashkë me një grup artistësh të tjerë që po ktheheshin në Rinas nga Firence, ku kishin vënë në skenë një pjesë teatrore, janë ndjekur nga banditë me uniformë gjatë rrugës dhe janë shoqëruar dhe ndaluar në stacionin e narkopolicisë në Kukës.
