Jo vetëm të realizosh punime artistike artizanale, por tezgjaistja Shpresa Dahri nga Vlora nëpërmjet punimeve të saj u ka treguar të rinjve të diasporës dhe jo vetëm atyre, copëza mjaft të rëndësishme të historisë së Shqipërisë.
Shpresa Dahri është nga të vetmet tezgjaiste në Vlorë, që për më shumë se tre dekada ka realizuar pune artizanale me metodën e vjetër me tehzgjahun që dikur ishte pronë e shtetit socialist.
Për më shumë se 30 vite me këtë punë ajo ka mbajtur dhe rritur katër fëmijë, ndërsa sot, shikon me keqardhje që nuk zanat edhe pse punët ja pëlqejnë, po zhduket dhe nuk ka asnjë interes nga të rinjtë.
Por e veçanta e Shpresës është që me punimet e saj ka treguar copëza mjaft interesante të historisë shqiptare dhe tregon momentin kur u frymëzua për t’i realizuar këto, shkruan A2CNN. Shumë herë është vetëofruar të ndihmojë vajzat e reja të marrin këtë zanat, por deri më tani askush nuk ka treguar interes, i vetmi interes i të rinjve është të bëjnë foto me punimet e Shpresës.
