Sulmuesi nën pronësi të Manchester Unitedit, i huazuar te Getafe, Mason Greenwood ka përfunduar në radarin e Barcelonës dhe Atletico Madridit.
Sipas mediumit talkSport, Barcelona dhe Atletico Madrid po ndjekin Mason Greenwood, i cili është i huazuar nga United te Getafe deri në fund të sezonit.
Greenwood ka impresionuar në Spanjë, duke kontribuar me katër gola dhe tre asistime në 13 ndeshje, duke ndihmuar Getafen të sigurojë momentalisht vendin e nëntë në La Liga.
Në anën tjetër, Djajtë e Kuq nuk janë të interesuar ta rikthejnë lojtarin pas skandalit dhe një largim i tij në verën e ardhshme duket i pashmangshëm.
