Ushtruesi i detyrës së kryetarit të Organizatës së Veteranëve të Luftës së UÇK-së, Faton Klinaku, ka folur rreth aksionit të sotëm të Gjykatës Speciale, shkruan Kosova Post.
Klinaku aksionin e quajti veç një “spektakël të radhës nga ana e tyre”.
Kujtojmë se të enjten janë kryer bastisje në shtëpinë e ish-komandantit të Ushtrisë Çlirimtare të Kosovës, Sylejman Selimi në lagjen “Qëndresa” në Veternik.
Postimi i plotë i Klinakut në Facebook:
Siç po raportohet në media, Zyra e Prokurorit të Specializuar (ZPS) është duke kryer bastisje në Kosovë. Njëra prej tyre është në shtëpinë e ish-komandantit të Ushtrisë Çlirimtare të Kosovës, Sylejman Selimi.
Edhe këto bastisje që po ndodhin sot, janë vetëm një spektakël i radhës nga ana e tyre.
