Presidenti i sShqiërisë, Bajram Begaj, ka uruar presidentin e Kroacisë, Zoran Milanoviq, për fitoren e mandatit të dytë në krye të shtetit pas zgjedhjeve presidenciale në balotazhin e së dielës.
Begaj në një postim në platformën X, ka thënë se sheh përpara mundësitë për të vazhduar forcimin e partneritetit të përbashkët mes dy vendeve.
“Urimet më të përzemërta për mikun tim, Zoran Milanović, në rizgjedhjen si President i Kroacisë. Shohim përpara për të vazhduar forcimin e partneritetit tonë”, shkruan presidenti Begaj në mesazhin e urimit në platformën X drejtuar homologut kroat.
Socialdemokrati mori më shumë se 74 për qind të votave në balotazhin e zhvilluar me rivalin e qendrës së djathtë, Dragan Primorac, i cili siguroi vetëm 25 për qind.
