A po përfundon karriera si futbollist e Karim Benzemasë? Sipas informacioneve të publikuara nga ‘Relevo’, sulmuesi francez 36-vjeçar, që luan tek Al Ittihad, është gati të tërhiqet një vit më herët: jo në 2026, data e skadencës së kontratës së tij me klubin saudit, por në 2025.
Sipas asaj që shkruhet në portalin spanjoll, ish-lojtari i Real Madridit është lodhur nga rutina e përditshme në një skuadër me më shumë dështime se trofe, veçanërisht siç ndodhi sezonin e kaluar me Marcelo Gallardon në pankinë.
Pse dëshiron të mbyllë karrierën
Me Laurent Blanc është një tjetër histori, pasi Benzema është shënuesi i dytë më i mirë i Saudi Pro League (10 gola), pas Aleksandar Mitrovic (12) dhe mban kreun e kampionatit me Al Ittihad që ndodhet në vendin e parë. Kështu që vendimi për t’i dhënë fund karrierës nuk vjen për shkak të një forme fizike të dobët, ndërsa pozita e Al Ittihad po bën që të mendohet, pasi klubi është gati të heqë dorë nga sulmuesi francez për shkak të kostos së pagës (100 milionë euro në vit).
Plani për të ardhmen
Benzema, fitues i Topit të Artë në 2022, në moshën 36-vjeçare ka tashmë një plan për të ardhmen: rolin e ambasadorit të Real Madridit jashtë. Përshtypjet e tij janë të forta në botën arabe. Sipas asaj që raportohet nga ‘Relevo’, sulmuesi francez ka ruajtur marrëdhënie shumë të mira me presidentin e klubit spanjoll, Florentino Perez, i cili gjithashtu ka pasur një rol kyç në transferimin e ish-lojtarit të Lyon-it në 2009.s.n.
