Bashkësia Islame e Republikës së Kosovës (BIRK), e ka demantuar një lajm, sipas së cilit, është arrestuar një hoxhë nga Fushë Kosova, transmeton Kosova Post.
Në një reagim publik BIRK ka sqaruar se i arrestuari “nuk është fare imam-hoxhë, e as teolog” dhe se nuk është pjesë e Këshillit të Bashkësisë Islame.
Ky është sqarimi i plotë:
Sqarim për opinion
Përkitazi me lajmin se sot, në komunën e Fushë Kosovës është arrestuar një hoxhë, Këshilli i BI-së në Fushë Kosovë njofton opinionin e gjerë si dhe besimtarët myslimanë, se i arrestuari në fjalë nuk është pjesë e Këshilli të BI-së, madje i arrestuari nuk është fare imam-hoxhë, e as teolog islam.
Pra i njëjti nuk ka të bëjë asgjë me misionin e imamit dhe nuk është pjesë e BIK-ut.
Këshilli i BI-së, Fushë Kosovë