Turmat që brohorisnin mbushën rrugët e Tiaret në Algjeri të premten që shkoi në mbrëmje për të mirëpritur boksieren Imane Khelif nëatdhe, kur ajo u kthye nga Lojërat Olimpike të Parisit, ku fitoi një medalje të artë.
Ajo postoi një video të paradës në historinë e saj në Instagram të premten, duke udhëhequr turmën me brohoritje të furishme dhe që e përshëndeste me dorë asaj.
Foto të tjera e tregojnë atë duke qëndruar në kuvertën e sipërme të një autobusi të hapur që lëviz ngadalë, me medaljen e saj të artë ndërsa qielli i natës ndriçon nga qindra njerëz që mbajnë lart ndezur telefonat për të bërë foto.
Khelif u bë qendra e vëmendjes globale pasi boksierja italiane Angela Carini u largua nga ndeshja e tyre në 46 sekonda, përpara se të fitonte medaljen e artë të peshës së lehtë për 66 kg për femra një javë më vonë.
Disa spektatorë që shikonin ndeshjen e saj kundër Carini ngritën pyetje në lidhje me pjesëmarrjen e Khelif, duke përmendur një vendim të vitit 2023 nga një rregullator i boksit tashmë i diskredituar për ta ndaluar atë nga një garë femrash për arsye të përshtatshmërisë gjinore.
Komiteti Olimpik Ndërkombëtar (IOC), megjithatë, e mbështeti fuqimisht pjesëmarrjen e saj në Lojërat e 2024-ës, me zëdhënësin e IOC Mark Adams që tha se ajo ishte “e lindur femër, ishte regjistruar femër, e jetoi jetën e saj si femër, u ndesh si femër dhe ka cilësim femër në pasaportë.”
Debati ndezi një sulm abuzimi në internet, me komentuesit transfobikë që e quanin gabimisht Khelifin “një burrë” për shkak të një avantazhi fizik të supozuar.
Me sytë e botës drejtuar mbi të, Khelif përparoi në garë, mori mbështetje të madhe nga turmat që e shikonin ndeshjen e saj dhe përfundimisht fitoi një medalje të artë.
“Jam shumë e lumtur. Për tetë vjet, kjo ka qenë ëndrra ime dhe tani jam kampione olimpike dhe fituese e medaljes së artë”, tha ajo pas ndeshjes. “Kam punuar tetë vjet, pa gjumë, tetë vjet lodhje.”
Khelif fitoi një nga dy medaljet e arta të Algjerisë në Lojërat Olimpike të Parisit, me gjimnasten Kaylia Nemour që fitoi tjetrë.
Në kthimin e tyre në Algjeri, ato u përshëndetën nga presidenti i vendit Abdelmadjid Tebboune, së bashku me vrapuesin Djamel Sedjati i cili fitoi një medalje bronzi në 800 metra për meshkuj.
Pasi Khelif fitoi medaljen e saj të artë, avokati i saj Nabil Boudi tha se ajo paraqiti një ankesë ligjore tek prokurorët e Parisit duke thënë se Khelif pësoi “ngacmim të rëndë në internet”.s.n.
