Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 23 janar.
23 janar 155 – Në Shanxhi të Kinës ra tërmeti me numrin më të lartë të viktimave në histori, rreth 830 mijë të vdekur.
23 janar 1849 – Në Shtetet e Bashkuara të Amerikës u diplomua në mjekësi Elizabeth Blackwell, duke qenë gruaja e parë në botë me diplomë mjekësie.
23 janar 1896 – Fizikanti Wilhelm Conrad Rontgen shpiku aparatin që e quajti sipas mbiemrit të tij (zbuloi ekzistencën e rrezeve X). Edhe pse deri në vitin 1912 nuk mund të bëhej shpjegimi i plotë fizik, kjo shpikje u prit me një entuziazëm të madh edhe në fizikë, edhe në mjekësi. Shumë shkencëtarë e panë këtë zbulim si fillimin e fizikës moderne.
23 janar 1973 – Në Vietnam u shpall armëpushim. Lufta e Vietnamit mes Vietnamit të Veriut, Vietnamit të Jugut dhe Shteteve të Bashkuara të Amerikës, që filloi në vitin 1955 dhe përfundoi në vitin 1973, pranohet si një prej luftërave më të mëdha ushtarake dhe të përgjakshme të gjysmës së dytë të shekullit të 20-të.
23 janar 1922 – Dy rrugicave në Stamboll ju vu emri “Pierre Loti” dhe “Klodfarer” (Claude Farrere). Romancieri francez, Pierre Loti, gjatë kohës që ishte në Stamboll, jetoi në lagjen Ejyp (Eyüp). Loti, i cili admironte Stambollin, e cilësoi gjithmonë veten si një mik të turqve. Shkrimtari francez, Claude Farrere njihet për miqësinë turke dhe gjatë Luftës Çlirimtare, me shkrimet e tij, mbështeti Përpjekjen Kombëtare.
23 Janari është dita e 23-të e vitit, deri në fund të tij janë edhe 342 ditë.
Viti 638 – Fillion kalendari Islamik ose Kalendari Mysliman apo Kalendari Hixhri – kalendar hënor i përbërë nga 12 muaj në vit me 354 ose 355 ditë. Kalendari Mysliman është përdorur për ngjarje dhe data në shumë vende myslimane (njëkohësisht me kalendarin gregorian), dhe përdoret nga myslimanët kudo për të përcaktuar ditët e duhura për të vëzhguar festat si Ramazani, për të marrë pjesë në Haxhillëk, dhe për festat e tjera islame. Viti i parë i këtij kalendari filloi të numërohet më 622 të kalendarit Gregorian, viti kur Profetit Muhamed shkoi nga Meka në Medinë, ngjarje e njohur si Hixhret; 2017 është viti 1438 AH (latinisht Anno Hegirae – Viti i Hixhreti).