Dëshmitarja serbe Dragica Bozhaniq pasi ka mbaruar pyetjet nga prokuroria ajo ka filluar me pyetjet nga mbrojtja e Thaçit, Gregoru Keohe.
Dëshmitarja serbe kundër Thaçit dhe të tjerëve ka treguar për periudhën e korrikut 1998 në komunën e Rahovecit ku ajo aty banonte, shkruan Gazeta10.
Dëshmitarja pretendon se UÇK-ja kishte sulmuar familjen e saj dhe banorët përreth për t’i larguar nga shtëpitë e tyre e për ti mbajtur pastaj të ndaluar për një kohë të shkurtër.
Tutje ajo tregoj që nga ajo kohë nuk di asgjë për djalin dhe burrin e saj.
Një pjesë e dëshmisë:
Avk: Ju bë pyetje nëse ndonjë prej burrave kishte qenë pjesë e Ushtrisë serbe dhe ju thatë jo. Mendoj se në deklaratën tuaj keni thënë që shumë prej burrave në fshatin tuaj Zoqisht ishin të armatosur me armë?
Dsh: Po.
Avk: Kur filloi konflikti në Kosovë a është e saktë të thuhet që autoritetet serbe iu dhanë armë civilëve në fshatra të ndryshme?
Dsh: Kjo ka ndodhur përpara. Në cilat vite nuk e mbaj në mend. Ka ndodhur më herët.
Avk: Është fakt që burrat e fshatit tuaj në Zoqisht kishin marrë armë nga Serbia?
Dsh: Po
Avk: Autoritetet serbe iu jepnin armë civilëve edhe në demonstrata?
Dsh: Jo në protesta. Armët janë shpërndarë për burrat.
Avk: Le ta shohim dokumentin. Keni thënë gjatë demostratave në Kosovë i janë dhënë armë. Kushdo që ka marrë armë ka marrë armë në demonstrata. A ju kujtohet?
Dsh: Po.
Avk: Kur flisni për këtë doni të thoni që gjatë demonstratve në Kosovë autoritet serbe iu kanë dhënë armë serbëve?
Dsh: Po
Avk: A është e saktë se autoritetet serbe u kanë dhënë civilëve armë në gjithë Kosovën?
Dsh: Nuk e di për gjithë Kosovën.
Avk:Ditën kur ndodhi incidenti, shumë prej serbëve erdhën tek shtëpia e juaj. Apo jo?
Dsh: Po. Kur filluan të shtënat e mora vesh që ata kishin armë.
Avk: Kur filluan të shtënat ju pra e morët vesh që burrat serbë që janë në shtëpi kishin armë me vete?
Dsh: Po
Avk: Kur mbërritën në shtëpinë tuaj, kishin municion dhe jelek antiplumb?
Dsh: Kishte një jelek të veshur.
Avk: A kishte municion?
Dsh: Jo, jo. Ishte jelek ushtarak, por nuk kishte asgjë aty.
Avk: Ju keni thënë që ajo kishte një armë në duart e saj. Nuk e kishte në dorë, por me vete. Kur e keni thënë këtu, për kë e kishi fjalën?
Dsh: Pushka ime, është gabim. Unë nuk kisha fare armë. Ajo kishte një armë gjahu dhe e kishte lënë te karroca.
Avk: Gruaja për të cilën po flisnim, a kishte armë gjahu dhe municion?
Dsh: Nuk e kam parë këtë.
Avk: A pajtoheni me mua se para incidentit, serbët kishin shpërndarë armë për civilët serbë?
