Asetet e bankave komerciale në muajin shtator 2023 kanë shënuar rritje me rreth 67.6 milionë euro krahasuar me muajin paraprak. Në shtator 2023, vlera e aseteve të bankave komerciale ishte 7.16 miliardë euro. Kështu thuhet në statistikat bankare për muajin shtator 2023, të publikuara nga Banka Qendrore e Kosovës (BQK).
Investimet e bankave komerciale jashtë vendi (në formë të depozitave, letrave me vlerë dhe plasmanëve tjera) kanë shënuar rritje prej rreth 43.2 milionë euro krahasuar me muajin paraprak.
Ndërkaq vlera e kredive bruto në fund të muajit shtator 2023 ishte 4.79 miliardë euro, e që paraqet një rritje prej 61.53 milionë euro krahasuar me muajin paraprak.
“Depozitat e klientëve në shtator 2023 kanë shënuar rritje për rreth 14.63 milionë euro krahasuar me muajin paraprak. Vlera e depozitave në shtator 2023 arriti vlerën 5.89 miliardë euro. Rreth 25% e depozitave janë të afatizuara. Ekonomitë familjare dominojnë me rreth 66.5% të totalit të depozitave (apo rreth 3.88 miliardë euro)”, theksohet në këtë raport të BQK-së.
Raporti kredi-depozita në muajin shtator ishte në nivelin 81.9%.
Gjithsej kapitali i bankave komerciale në fund të muajit shtator ishte 2023 ishte 821.3 milionë euro.
Norma mesatare e interesit në depozita në muajin shtator ishte 2.43% (në gusht ka qenë 2.52%).
Norma mesatare e interesit në kredi në muajin shtator ishte 6.51% (në gusht ka qenë 6.70%).
Margjina e normës së interesit në kredi dhe depozita në muajin shtator ishte 4.08% (në gusht ishte 4.18%).
Vlera e kredive të reja në muajin shtator ishte 166.6 milionë euro.
Ndërsa vlera e depozitave të reja në muajin shtator ishte 87.02 milionë euro.
