Tradita e gatimit të byrekut është e vjetër po aq sa historia.
Aroma e mirë e byrekut të sapodalë nga furra është pa dyshim nga kujtimet më të mira që vijnë nga shtëpia.
Me siguri keni provuar dhe e mbani mend byrekun me spinaq, djathë, presh apo kunguj nga duart e gjysheve dhe nënave.
Shijen e mrekullueshme të tij, në recetën e sotëme nga AgroWeb.org j’ua sjellim pak më ndryshe.
Byreku me spinaq është i famshëm për shijen e mirë, por bërë bashkë me mishin e butë të pulës merr vlera të shtuara.
Në recetën e sotëme mund të mësoni fare lehtë se si përgatitet, për të habitur me shijen e mirë të gjithë familjen.
Ndiqni më poshtë mënyrën e përhatitjes hap pas hapi sipas këshillave të AgroWeb.org.
Përbërësit
1 pako me peta të gatëshme
123 gr gjizë pa kripë
100 gr djathë i bardhë dhie
140 gr mish i bardhë pule
60 gr spinaq
50 ml vaj ulliri
1 vezë
kripë
piper i zi
piper i kuq
rigon
Përgatitja
Për të nisur me përgatitjen e byrekut AgroWeb.org ju këshillon të ndizni furrën në temperaturën 190 gradë.
Ndërkohë zieni me kujdes mishin e pules dhe zgjidhni mishin e bardhë apo të kofshëve.
Në një enë të madhe dhe hidhni spinaqin e pastruar dhe të grirë në fije të holla, bashkë me mishin e pulës të prerë në fije të holla po ashtu.
Shtoni gjizën, djathin e bardhë të thërrmuar imët, vezën, pak vaj ulliri, bashkë me të gjithë erëzat e kripën.
Përziejeni mirë të gjithë këta përbërës derisa të jetë formuar një masë e trrashë, gati për të mbushur byrekun tuaj.
Kini kujdes që mishi i pulës të jetë plotësisht i pastruar nga kockat dhe i ndarë në fije të imëta e të holla.
Më pas zgjidhni një tavë mesatare pjekje, lyejeni me pak vaj dhe shtroni dy petët e para dhe lyejeni secilën me vaj ose gjalpë.
Shtroni 2-3 petë të lyera me vaj sipër, ndërsa të fundit lereni pa lyer dhe hishni sipër përzierjen e spinaqit me pulën.
Hapeni mirë me lugë nëpër të gjithë petët duke lënë pak hapërsirë tek anët.
Shtroni sipër sërish 4-5 peta, duke i kthyer anët me kujdes për nga brenda tavës.
Kur byreku të ketë marrë formë dhe të jetë plotësisht i mbuluar lyejeni me pak vaj ulliri sipër dhe futeni në furrë.
Piqeni për 25-30 minuta në temperaturën 190 gradë C, derisa byreku të marrë ngjyrë të artë.
Më pas nxirreni nga furra, priteni dhe shërbejeni për të dashurit tuaj.
