Ish-kryetari i Kuvendit të Vojvodinës Nenad Çanak deklaroi se po përgatitet terreni për likuidimin e tij.
Çanak tha për TV Blic se djali i tij fillimisht ishte shënjestruar në TV Informer nga Dragan Vuçiqeviq, e më pas nga presidenti serb Aleksandar Vuçiq, dhe se tre ditë më parë i ishte hequr siguria policore pas 20 vitesh.
Ai ka shpjeguar se sigurimi policor i është hequr tre ditë më parë, “jo vetëm pa shpjegim, por edhe pa paralajmërim”, por policët që e ruanin i kanë thënë se ishin thirrur të ktheheshin në stacion.raporton danas.
Ai shtoi se katër vite më parë ka paraqitur kërkesë për leje për armëmbajtje për siguri personale dhe ka deklaruar se nuk ka marrë përgjigje.
“Pra, është e qartë. Bëhet fjalë për presionin ndaj meje dhe familjes sime, me punën e pistë që bëhet nga tregtarët e drogës. Çdo gjë që ndodh me mua apo familjen time… Merreni këtë si kërcënim”, tha Çanak.g.e.
