Gjenerali amerikan në pension, Wesley Clark, pranë Dhomave të Specializuara në Hagë teksa përfundoi dëshminë e tij në Hagë në rastin e ish- krerëve të UÇK-së e ka thënë edhe njëherë me theks se UÇK nuk ishte terroriste deh se ata thjesht nuk pranuan shtypjen prej serbëve dhe bën të pamundurën për të rezistuar shtypjes prej serbëve.
Ai edhe njëherë i qëndroi bindjes se Hashim Thaçi nuk është përgjegjës për atë që ka ndodhur në Kosovë dhe nuk mbanë përgjegjësi për aktet individuale të dhunës dhe hakmarrjes.
“Përmenda revolucion disa herë. Jemi në një epokë aktualisht ku ka forca të mëdha që përpiqen të ndikojnë qeveritë e ndryshme. Që prej Luftës së dytë botërore kemi një sistem ndërkombëtar të bazuar në rregulla që ka funksionuar deri në një masë por jo tërësisht por që nga rënia e Murit të Berlinit e hapjes së Lindjes u shpërbë Jugosllavia dhe personat e Jugosllavisë kërkuan të njëjtët liri sikurse perëndimi. Sigurisht kjo ka filluar që me monarkinë e Asburgëve dhe sovjetikëve dhe kemi një situatë në Ukrainë. Nuk po përpiqem të jemi i pasjellshëm sepse seancat penale janë të rëndësishme por duhet të ketë një kufi sa i takon rendit. Pra, ka rend por personat duhet të respektohen dhe përpiqeshin të luftojnë për të drejtat e tyre dhe këtë u përpoq të bënte UÇK në fillimin e viteve 90-ta, kur thjesht nuk pranuan shtypjen prej serbëve dhe bën të pamundurën për të rezistuar shtypjes prej serbëve. Pra ata nuk janë terroristë. Pavarësisht se kur shkova të takojë gjeneral serbë thanë ata janë terroristë, pro ata nuk janë terroristë janë njerëz që luftuan kundër një regjimi të padrejtë jashtëligjshëm i cili meritonte të largohej e të zëvendësohej. E njëjta gjë po ndodhe dhe në Ukrainë dhe mund të vazhdojë dhe me tej…këtu kemi persona që luftuan për lirinë e tyre. Pra ligjet, procedurat e shoqërive moderne duhet të kuptojnë edhe nevojat e personave që luftojnë për lirinë dhe dinjitetin e tyre. Kështu filloi revolucioni në SHBA dhe ata patriota amerikan në 1775-74 po ashtu u konsideruan terroristë nga britanikët, siç ndodhi me Amerikën, por Amerika u kthye në shtet madhështor”, tha ai.
Clark e ka shprehur edhe njëherë bindjen e tij se Hashim Thaçi nuk ka përgjegjësi për atë që ka ndodhur në Kosovë.
Ai madje u bëri thirrje që të merret parasysh edhe historia, e ku nënvizoi edhe situatën në Ukrainë.
Duhet të keni parasysh të shkuarën, historinë duhet të shikoni çka po ndodhë në Ukrainë, mbase do të ketë procese për Ukrainën të ngjashme. Por është e rëndësishme të kuptoni, rrethanat dhe kush mbanë përgjegjësi penale dhe ka aspekte më të larta strategjike që ndonjëherë kanë epërsi dhe që shkojnë përtej mundësive të një individi të vetëm. Faleminderit që më dhatë mundësinë të shpjegoja. Ky është mendimi im. E kam ndjekur këtë gjykim dhe i qëndroj bindjes së mëparshme që Hashim Thaçi nuk është përgjegjës për atë që ka ndodhur në Kosovë. Ai nuk mbanë përgjegjësi për aktet individuale të dhunës dhe hakmarrjes”, përfundoi dëshminë Clark./EO/
