Cristiano Ronaldo dos Santos Júnior, i njohur gjerësisht si Cristianinho dhe djali i legjendës së futbollit Cristiano Ronaldo, është përfshirë për herë të parë në listën e lojtarëve të grumbulluar nga Kombëtarja U-15 e Portugalisë.
Ky grumbullim vjen në kuadër të pjesëmarrjes në Turneun Ndërkombëtar “Vlatko Markovic”, që do të zhvillohet në Kroaci nga data 13 deri më 18 maj. Nën drejtimin e trajnerit João Santos, Portugalia do të përballet me Japoninë më 13 maj, Greqinë më 14 maj dhe Anglinë më 16 maj, ndërsa kundërshtari i ndeshjes së katërt, më 18 maj, do të përcaktohet më vonë.
Cristianinho, që është pjesë e akademisë së Al Nassr në Arabinë Saudite, është ndër 22 talentet e ftuar për këtë turne prestigjioz. Përveç ndeshjeve, ekipi do të zhvillojë edhe katër seanca stërvitore, dy në “Qytetin e Futbollit” në Portugali dhe dy të tjera në Kroaci. Grumbullimi do të nisë më 11 maj në orën 12:30, ndërsa seanca e parë stërvitore është planifikuar për në orën 16:30.
Cristianinho është në rrugën për të ndjekur gjurmët e babait të tij, këtë herë me fanellën e përfaqësueses portugeze.
duke synuar jo vetëm mbijetesën në Superiore, por edhe pozicionime dinjitoze në klasifikim. Tifozët verdheblu tashmë presin me padurim sezonin e ri dhe përforcimet që do të pasojnë për të përballuar denjësisht rikthimin në elitë.s.n.
