Cristiano Ronaldo është shpërblyer në ceremoninë e Globe Soccer Awards në Dubai, ku u nderua si golashënuesi më i mirë në historinë e futbollit.
Gjatë fjalimit, ai foli për planet e tij pas përfundimit të karrierës si lojtar aktiv, duke theksuar se për aq kohë sa është ende i motivuar për të arritur 1000 gola, do të vazhdojë të luajë futboll.
Megjithatë, ai po fillon të mendojë gjithashtu për të ardhmen dhe pranoi se ndonëse nuk ka planifikuar të bëhet trajner, ka ndërmend të investojë dhe të bëhet pronar i një klubi. Ronaldo theksoi se ka një vizion për të ndryshuar mënyrën e menaxhimit të klubeve dhe për të reformuar situatat e vështira, duke dhënë një shembull me Manchester United.
Ai kritikoi ish-pronarët e klubit, Glazers, për trajtimin e ekipit si një biznes që synon përfitimin financiar, duke injoruar vlerat dhe pasionin që ka një klub futbolli.
Në fjalën e tij, Ronaldo nuk ngurroi të vlerësojë Premier League si ligën më të vështirë në botë, duke nënvizuar konkurrencën e fortë dhe intensitetin e lartë të saj. Ai gjithashtu i dha një këshillë për fituesin e mundshëm të Topit të Artë, duke thënë se Vinicius Jr. meritonte të merrte këtë çmim, pasi sipas tij, ai ishte ndëshkuar padrejtësisht nga votimet.s.n.
