Kryesuesi i seancës konstituive, Avni Dehari tha se votimi i fshehtë erdhi pas gjashtë tentativa të dështuara me votim të hapur.
Ai u shpreh se do të ishte i lumtur nëse do të kishte një skenar që do t’i jepte fund këtij ngërçi politik, njofton Klankosova.tv.
“Thonë se kam një skenar të Kurtit, skenari na vjen prej Sekretarisë, unë atë skenar e kam por skenari do të ndryshojë kur krerët e partive merren vesh dhe sjellin një skenar. Do të isha i lumtur nëse ai skenar do t’i jepte fund këtij ngërçi politik. 6 herë u provua me votim të hapur, nuk ka dhënë rezultat, me 16 prill ju drejtova presidentes dhe përgjigja e saj ishte “gjeni vetë zgjidhje”, tha Dehari para mediave.
