Deputeti Veton Berisha, ka treguar se a ka ndonjë ndryshim lidhur me diskutimet me Lëvizjen Vetëvendosje për bashkëpunim për formimin e institucioneve të reja.
Berisha thotë se ka nga kreu i VV-së, Albin Kurti, ka kërkuar drejtimin e një ministrie, që ndërlidhet me përmirëmsimin e kushteve të jetesës së komunitetit egjiptian.
“Si parti politike, kemi parti që kemi profil, jemi politik, nuk jemi vetëm se jemi parti për vendet e rezervuara, por e kemi një përvojë politike, dhe ne kemi thënë se duam të kemi një marrëveshje politike, me pasë një dakordancë që duhet të jetë e shkruar”, tha deputeti në Klan Kosova.
“Ne kemi një program, i cili është program 11-pikësh, dhe e kemi të dorëzuar pikë më pikë dhe është plani se si duhet të implementohet ai program, dhe bazuar në programin dhe pikat programore kemi kërkuar përgjegjësi institucionale, detyra, me na dhënë në kuadër të qeverisë në dikastere të caktuara, që ne të ndihmojmë implementimin e atij programi. Ne i kemi diskutuar këto detaje, dhe nuk kemi një vendim të përbashkët. Ne po kërkojmë të drejtojmë një prej ministrive që mund të ketë ndikim në ndryshimin e jetës së komunitetit egjiptian, derisa për momentin jemi ende në diskutim.
“Ministri të linjës të pushtetit lokal për shkak se mundemi me i pasë komunat në komunikim, nëse kthehet ministria e punës dhe çështjes sociale, ministria e arsimit po ashtu është e rëndësishme, jemi të gatshëm edhe për atë”, tha Berisha.
