Deputeti i Lëvizjes Vetëvendosje, Arbër Rexhaj, ka konfirmuar në “Politiko” se në seancën e nesërme do të propozohet sërish emri i Albulena Haxhiut për kryetare të Kuvendit.
Ai ka thënë se LVV-ja është e interesuar për zgjidhje të situatës me konstituimin e Kuvendit.
“Jemi të interesuar të bëjmë zgjidhje mbi bazën e asaj që na lejon aktvendimi i Gjykatës Kushtetuese. Ne e konfirmojmë se nesër ne do të shkojmë me emrin e Albulena Haxhiut në Kuvendit e Kosovës ku do të kërkojmë votën e deputetëve. Mund të ketë ndryshime të qëndrimeve”, ka thënë Rexhaj.
