Një fëmijë 3 vjeçar ka vdekur në Rahovec pasi u godit nga dyert e hekurta të oborrit.
Sipas raportit policor, bëhet e ditur se dera e hekurt ishte e mbështetur për muri, është rrëzuar dhe e ka goditur fëmijën.
“SHKAKTIM I RREZIKUT TË PËRGJITHSHËM – Rahovec / 14.07.2024-20:05. Në emergjencën e Spitalit Rajonal Gjakovë nga prindi është sjellur një fëmijë – viktimë mashkull kosovar i moshës tre vjeçar me lëndime të rënda trupore, ku mjeku kujdestar ka konfirmuar vdekjen e viktimës. Dyshohet se aksidentalisht një derë e hekurt e mbështetur nga muri është rrëzuar dhe ka goditur viktimën. Me vendim të prokurorit trupi i pajetë është dërguar në IML për obduksion.”, thuhet në raportin 24 orësh të Policisë së Kosovës.
