Presidenti i Republikës Srpska Milorad Dodik tha se Izraeli po bën një luftë të drejtë dhe se Netanyahu ka të drejtë të mbrojë vendin dhe popullin e tij, duke thënë se Republika Srpska do të qëndrojë në krah të shtetit hebre, transmeton Kosova Post.
Dodik tha se : Unë besoj se kryeministri izraelit Benjamin Netanyahu ka të drejtë të mbrojë shtetin dhe popullin e tij, dhe të i çlirojë tokat e tyre të shenjta.
“Ata nuk mund ta heqin këtë të drejtë dhe nisma e procedurës gjyqësore kundër kryeministrit të atij vendi, është e padrejtë.
Gjithsesi, është pjesë e lojës së neoliberalëve të ndërkombëtarëve dhe ne ende e respektojmë Izraelin dhe e duam që me Popullin hebre të qëndrojmë së bashku për të përkujtuar të gjitha ngjarjet tona të përbashkëta me shumë dashuri”, tha Dodik.
Ai theksoi se është i nderuar që sot Banja Luka është në listën miqësore të vendeve në botë ku në një mënyrë festohet 76 vjetori i themelimit të shtetit të Izraelit.
Dodik shtoi se, në këtë kuptim, Pallati i Republikës është ndriçuar sonte me ngjyrat e flamurit izraelit.
Në Muzeun e Artit Bashkëkohor të Republikës Srpska në Banja Luka, Presidenti i RS-së Milorad Dodik dhe ambasadori jorezident i Izraelit në BeH Peleg Galit hapën zyrtarisht ekspozitën e skulpturave “Figura në lëvizje”, të të famshmit francez, artisti Edgar Dega.
