Dogana e Kosovës njofton se në pikën kufitare në Vërmicë ka parandaluar një rast të kontrabandës së duhanit, përcjell Kosova Post.
Dogana bën të ditur se në një automjet me targa të Shqipërisë ka tentuar të kontrabandojë sasi të duhanit të grirë të cilin e kishte fshehur në vende të ndryshme në veturën e tij.
“Gjatë kontrollimit të përbashkët me zyrtarët policorë, tek i dyshuari u gjet një sasi prej 42 paketime me “DUHAN TË GRIRË” me peshë secila nga 500 gram, gjithsej 21 kilogram, të fshehura nën ulëset e pasme të veturës. Mallrat dhe vetura mbesin të bllokuara deri në përfundimin e procedurave kundervajtëse”, thuhet në njoftimin e Doganës së Kosovës.
