Futbolli kosovar edhe pse jo në kushte jo aq edhe të mira për punë, vazhdon të nxjerrë në pah lojtarë me shumë potencial.
Njëri ndër ta është edhe super sulmuesi i talentuar i Kf Kosova VR, Eduard Sekiraqa 14-vjeçari nga kryeqyteti është një super sulmues dhe me potencial të jashtëzakonshëm.
Eduardi karrierën e ka filluar në moshë të hershme rreth moshës 5 vjeçare te ekipi i Kf Kosova Vr, në kryeqytet .
Eduardi është një sulmues krahu me aftësi të mrekullueshmeteknike dhe me shpjetësi të jashtëzakonshme, poashtu dallohet për punën e madhe që bën në stërvitje dhe në ndeshje.
Eduardi në këtë sezon ka realizuar 34 gola për grupmoshat U-15, poashtu ai konsiderohet si arma më e fuqishme e ekipit dhe poashtu frika më e madhe për mbrojtësit kundërshtarë.
Eduardi është ftuar edhe nga kampi i Kombëtarës së Kosovës për grupmoshat U-15, në vitin e kaluar.
Në një bisedë për portalin tonë, Eduardi thotë: “Futbollin e kam pasion ndërsa synimet e mia në këto vite janë që të punoj sa më shumë dhe sigurisht se pretendoj që të transferohem në të ardhmen në ndonjë klub evropian”.
