Rinovimi tashmë i sigurt i kontratës së Pep Guardiolës mund të luajë një rol kyç në qëndrimin e Erling Haalandit te Manchester City.
Klubi anglez është i gatshëm të bëjë gjithçka për të mbajtur sulmuesin 24-vjeçar norvegjez dhe, sipas informacioneve të publikuara nga The Sun, ka vendosur të nisë negociatat për zgjatjen e kontratës së tij, e cila përfundon në vitin 2027, duke i garantuar një rritje të konsiderueshme të pagës.
Aktualisht, Haaland fiton 450,000 euro në javë, që përkthehet në gati 22 milionë euro në vit, pa përfshirë bonuset. Manchester City dëshiron që ai të nënshkruajë një kontratë të re pesëvjeçare me kushte edhe më të favorshme, duke i ofruar një shumë totale prej mbi 120 milionë eurosh, pa përfshirë bonuset.
Ish-“bomber” i Borussias së Dortmundit ka luajtur në Angli që nga viti 2022 dhe është shumë i lidhur me Guardiolën. Ai ka mirëpritur lajmin e rinovimit të afërt të trajnerit spanjoll. Gjatë pushimit të ndeshjeve ndërkombëtare, Haaland shprehu dëshirën e tij:
“Shpresoj që Pep të nënshkruajë një kontratë të re. Ai ka qenë i rëndësishëm për mua në këto dy vite e gjysmë. Shpresoj të qëndrojë gjatë. Më pëlqen shumë Pep dhe shpresoj që edhe unë t’i pëlqej atij.”
Dëshira e tij po bëhet realitet, dyshja e suksesshme Haaland-Guardiola është gati të vazhdojë të dominojë në Premier League dhe në Europë.s.n.
