Pas agresionit në rritje të Izraelit është një përpjekje e dukshme për të lënë në hije revolucionin në Siri dhe për të shtypur shpresat e sirianëve, tha të hënën presidenti turk Recep Tayyip Erdoğan, transmeton KosovaPost.
“Edhe nëse Izraeli po vepron në mënyrë oportuniste, herët a vonë do të duhet të tërhiqet nga tokat që pushton,” tha Erdoğan në një fjalim drejtuar kombit pas mbledhjes së fundit të vitit të kabinetit në kryeqytetin Ankara, duke folur për inkursionin e fundit të paligjshëm të Izraelit në Siri.
Türkiye ka qëndruar në anën e duhur të historisë që nga fillimi i krizës siriane në vitin 2011, tha Erdoğan.
Revolucioni sirian ka ripërqendruar vëmendjen globale në vend, tha Erdoğan, duke shtuar se si “fqinj dhe vëlla” i saj, Türkiye është më e përshtatshme për të kuptuar fazën e saj të re.
Duke theksuar mbështetjen e palëkundur të Türkiyes për mbrojtjen e integritetit territorial dhe strukturës unitare të Sirisë, Erdoğan tha: “Ne kurrë nuk do të tërhiqemi nga kjo”.
Ankaraja do t’i ofrojë gjithë mbështetjen e nevojshme popullit sirian për t’i “bërë të përhershme arritjet e tyre” pasi të triumfuan mbi “regjimin shtypës”, tha Erdoğan.
Nuk ka vend në Siri për asnjë grup terrorist, duke përfshirë DAESh-in dhe PKK-në, paralajmëroi Erdoğan, duke shtuar se PKK-ja terroriste dhe degët e saj ose do të shpërbëhen ose do të eliminohen.
Erdoğan tha se Ankaraja është e vendosur t’i vazhdojë operacionet e saj kundër terrorizmit në Siri me “precizitet kirurgjikal, duke u siguruar që civilët të mos kenë asnjë dëm”./trt
