Presidenti turk Recep Tayyip Erdogan ka ndarë shpresat e tij që vendi të kapërcejë “këto ditë të vështira” në një mesazh në Twitter.
Në një mesazh, i cili u shpërnda së bashku me një imazh të liderit turk që përqafon një grua në skenën e zonës së tërmetit, Erdogan tha: “Ne jemi një komb që beson se me çdo vështirësi ka një lehtësi, transmeton Telegrafi.
“Shpresoj t’i kalojmë këto ditë të vështira me një zemër dhe një dorë”.
Lexo po ashtu:
Po kërkonin për të mbijetuar, pamjet e rënda tregojnë se si rrënojat iu shembën mbi kokë ekipeve të shpëtimit në Hatay të Turqisë
Po kërkonin për të mbijetuar, pamjet e rënda tregojnë se si rrënojat iu shembën mbi kokë ekipeve të shpëtimit në Hatay të Turqisë
Dje, Erdogan e përshkroi tërmetin e fuqishëm që shkatërroi pjesë të Turqisë juglindore si “një nga fatkeqësitë më të mëdha me të cilat është përballur vendi në historinë e tij”.
Duke vizituar provincën e Adiyaman të premten, Erdogan tha se përpjekjet e kërkim-shpëtimit do të vazhdojnë derisa askush të mos mbetet i bllokuar nën rrënoja.
Ai rinovoi gjithashtu një premtim për rindërtimin e zonës brenda vitit.
