Presidenti turk Recep Tayyip Erdoğan u uroi të shkuara qytetarëve pas tërmeteve në Istanbul, duke theksuar institucionet po ndjekin nga afër zhvillimet, përcjell KosovaPost.
Fillimisht, një tërmet i fuqishëm me magnitudë 6,2 ballë ndodhi me epiqendër në ujërat e Detit Marmara pranë rrethit Silivri të Istanbulit, pasuar nga dy tërmete të tjera 4,4 dhe 4,9 ballë në rrethin Büyüçekmece, njoftoi Drejtoria e Menaxhimit të Fatkeqësive dhe Emergjencave (AFAD).
“U uroj të shkuara qytetarëve tanë. Po i ndjekim nga afër zhvillimet”, tha Erdoğan me të mësuar lajmin e tërmetit gjatë një programi me rastin e 23 Prillit, Ditës së Sovranitetit Kombëtar dhe Ditës së Fëmijëve, transmeton Anadolu.Më pas, presidenti Erdoğan ka telefonuar ministrin e Brendshëm, Ali Yerlikaya, ministrin e Mjedisit, Urbanizimit dhe Ndryshimeve Klimatike, Murat Kurum dhe ministrin e Shëndetësisë, Kemal Memişoğlu për të marrë informacione më të detajuara në lidhje me tërmetet në Istanbul.
