Milani, pasi ka mbyllur marrëveshjen me Kyle Walker, është gati të përshpejtojë kërkimet për një sulmues të ri për ta shtuar në skuadrën e drejtuar nga Sergio Conceição. Pas interesimit për Marcus Rashford gjatë ditëve të fundit, tashmë vëmendja është kthyer drejt Holandës, më saktësisht në Rotterdam.
Fitorja e Feyenoord-it 3-0 kundër Bayernit në ndeshjen e fundit të Ligës së Kampionëve ka hequr çdo dyshim të mbetur mbi Santiago Gimenez, një sulmues i lindur në Argjentinë, por me kombësi meksikane.
Kontaktet e fundit me përfaqësuesit e lojtarit të lindur në vitin 2001 kanë çuar në një marrëveshje bazë për kontratën e tij të mundshme me kuqezinjtë. Gjatë këtyre muajve të parë të sezonit, Gimenez ka regjistruar 18 paraqitje në të gjitha garat, duke shënuar 15 gola dhe duke dhuruar 3 asistime.
Problemi kryesor mbetet marrëveshja me Feyenoord-in, që zotëron kartonin e tij. Klubi holandez nuk ka ndërmend ta shesë, dhe vetë lojtari, pas ndeshjes kundër Bayern-it, ka treguar dëshirën e tij për të qëndruar në skuadër.
Një ofertë e parë nga Milani është dërguar tashmë në Holandë, por ajo është më pak se 30 milionë euro, e cila nuk do të mjaftojë. Siç nuk mjaftoi oferta e bërë në ditën e fundit të merkatos verën e kaluar. Feyenoord-i e vlerëson Gimenez-in 40 milionë euro dhe, për momentin, nuk ka ndër mend të bëjë ulje çmimi.s.net.
